என்ன கொடுமை சார் இது.! தனுஷை முந்தி விட்டாரா வனிதாவின் மகள் ஜோவிகா?
by Suresh Valmeki · Kalakkal Cinema‘கனத்த பணம் கட்டுக்கட்டா இருந்தா, என்னா வேணா செய்யலாம்’ என்பதுகூட மனித இயல்பாகி விட்டது. ஆம்., அவரவர் சம்பாத்தியத்தில், அவரவர் விரும்பும் வண்ணம் வாழ்வதும் தனி மனித சுதந்திரம் ஆயிற்று. இதில், மற்றவர்கள் குறுக்கீடு செய்வது எந்த விதத்தில் முறையோ.? வாங்க.. மேட்டருக்கு வருவோம்..
அதாவது.. விஜய் நடித்த ‘சந்திரலேகா’ படம் மூலம் நடிகையானவர் வனிதா விஜயகுமார். மஞ்சுளா- விஜயகுமாரின் மூத்த மகளான வனிதாவை பார்த்ததுமே.. அடடா அந்த ஆர்ப்பரிக்கும் பேரழகு, அனைவரையும் வசீகரித்து விட்டது.
நடிக்க வந்த வேகத்தில் நடிகர் ஆகாஷை திருமணம் செய்து கொண்டு கெரியரில் இருந்து பிரேக் எடுத்துவிட்டார்.பிக் பாஸ் நிகழ்ச்சியில் கலந்து கொண்ட பிறகு, வனிதா விஜயகுமாரின் கெரியர் சூப்பராக பிக்கப் ஆகி நன்றாக சென்று கொண்டிருக்கிறது. இந்நிலையில் தான் நடிகையாக திரையுலகிற்கு வந்த வனிதா, தற்போது இயக்குநர் அவதாரம் எடுத்திருக்கிறார்.
‘மிஸ்டர் அன்ட் மிஸஸ்’ எனும் படத்தை தானே எழுதி, இயக்கி ஹீரோயினாக நடித்திருக்கிறார். அவருக்கு ஜோடியாக ராபர்ட் மாஸ்டர் நடித்துள்ளார். இந்நிலையில் தான் ‘அக்டோபர் 5-ம் தேதியை குறித்து வைத்துக் கொள்ளுங்கள்’ என வனிதா வெளியிட்ட புகைப்படம் வைரலானது.
அதை பார்த்தவர்களோ, வனிதாவுக்கும், ராபர்ட் மாஸ்டருக்கும் அக்டோபர் 5-ம் தேதி திருமணம் என தவறாக நினைத்தார்கள். இந்நிலையில், அக்டோபர் 5-ம் தேதி வனிதா வெளியிட்ட போஸ்டரை பார்த்த ரசிகர்கள் ஷாக் ஆகிவிட்டார்கள்.
‘மிஸ்டர் அன்ட் மிஸஸ்’ படத்தை தயாரித்திருப்பது, (வனிதாவின் மகள்) ஜோவிகா விஜயகுமார் என அந்த போஸ்டரில் இருந்ததை பார்த்துதான் ரசிகர்கள் அதிர்ச்சி அடைந்தார்கள். ‘மிஸ்டர் அன்ட் மிஸஸ்’ படத்தில் தயாரிப்பு வேலையை பார்த்து வருகிறார் ஜோவிகா என்று முன்பு தகவல் வெளியானது. ஆனால், அந்த தயாரிப்பாளரே ஜோவிகா தான் என்பது தற்போது தெரிய வந்ததும் ரசிகர்கள் அதிர்ச்சி அடைந்துவிட்டார்கள்.
ஒரு படத்தை தயாரிப்பது என்பது சாதாரண விஷயம் அல்ல. அதுவும் இந்த காலத்தில் படம் தயாரிப்பது மிகவும் கடினம். அப்படி இருக்கும்போது 21 வயதில் படம் தயாரித்திருப்பது பெரிய விஷயம் ஜோவிகா. அம்மா பணத்தை வைத்து நீங்கள் உங்கள் பெயரில் படம் தயாரித்திருக்கிறீர்களா?. இதற்கு எழுத்து, இயக்கம், தயாரிப்பு, நடிப்பு வனிதா விஜயகுமார் என போட்டிருந்தால் இன்னும் கெத்தாக இருந்திருக்குமே.. என அங்கலாய்க்கிறார்கள் ரசிகர்கள்.
நடிகராக திரையுலகிற்கு வந்த தனுஷ் தன் 27-வது வயதில் ஐஸ்வர்யா ரஜினிகாந்துடன் சேர்ந்து ‘வுண்டர்பார் ஃபிலிம்ஸ்’ எனும் தயாரிப்பு நிறுவனத்தை துவங்கி தயாரிப்பாளர் அவதாரம் எடுத்தார். ஆனால், ஜோவிகாவோ தனுஷையே முந்திவிட்டாரே..’ என கோலிவுட்டில் இது ஒரு முக்கிய தகவலாய் முணு முணுக்கப்படுகிறது.
இதில், புளுங்குவதற்கு என்ன இருக்கிறது, ஒன்றுமில்லை. 10 மாடி பில்டிங்குக்கு.. ஒரு பாட்டி தன் பேத்தி பெயரை ஆசையாய் வைப்பதில்லையா.. விடுங்க நெட்டிசன்ஸ்.!