ആലപ്പുഴയിലെ സുഭദ്ര കൊലപാതകത്തിൽ പോലീസ് പ്രതികളുമായി തെളിവെടുപ്പ് നടത്തി
ശര്‍മിളയെയും മാത്യൂസിനെയും ഒറ്റയ്ക്കൊറ്റയ്ക്ക് എത്തിച്ചാണ് പോലീസ് തെളിവെടുപ്പ് നടത്തിയത്.
ആലപ്പുഴയിലെ സുഭദ്ര കൊലപാതകത്തിൽ പോലീസ് പ്രതികളുമായി തെളിവെടുപ്പ് നടത്തി . കലവൂർ കോർത്തുശ്ശേരിയിലെ വീട്ടിലാണ് മാത്യൂസും ശർമിളയുമായി തെളിവെടുപ്പ് നടന്നത്. ശര്‍മിളയെയും മാത്യൂസിനെയും ഒറ്റയ്ക്കൊറ്റയ്ക്ക് എത്തിച്ചാണ് പോലീസ് തെളിവെടുപ്പ് നടത്തിയത്.
വീടിന് പിറക് വശത്ത് അൽപം മാറി ചതുപ്പിൽ നിന്ന് സുഭദ്ര ഉപയോഗിച്ച തലയണ പോലീസ് കണ്ടെത്തി. കൊലയ്ക്കിടെ രക്ത പുരണ്ടതിനാല്‍ തലയണ ഉപേക്ഷിച്ചുവെന്ന് പ്രതികള്‍ പോലീസിനോട് സമ്മതിച്ചു.
പ്രതികൾ സുഭദ്രയെ കൊലപ്പെടുത്താൻ ഉപയോഗിച്ച ഷാൾ കത്തിച്ച് കളഞ്ഞെന്നാണ് പോലീസിനോട് പറഞ്ഞത്. ആദ്യം മാത്യൂസുമായി തെളിവെടുപ്പ് നടത്തിയ ഇടങ്ങളിൽ ഷർമിളയുമായി വീണ്ടും പോലീസ് തെളിവെടുപ്പ് നടത്തി.