സർക്കാർ മെഡിക്കല് കോളേജിലെ കാര്ഡിയോളജി വിഭാഗത്തില് നൂതന ചികിത്സാരീതി വിജയകരം
സങ്കീര്ണമായ സര്ജറി ഒഴിവാക്കി നൂതന ചികിത്സാ മാര്ഗമായ ഓര്ബിറ്റല് അതരക്ടമി ചികിത്സയിലൂടെയാണ് സുഖപ്പെടുത്തിയത്.
സർക്കാർ മെഡിക്കല് കോളേജിലെ കാര്ഡിയോളജി വിഭാഗത്തില് നൂതന ചികിത്സാരീതി വിജയകരം. ഹൃദയാഘാതത്തെ തുടര്ന്ന് കാര്ഡിയോളജി വിഭാഗത്തിൽ വിദഗ്ധ ചികിത്സയ്ക്ക് പ്രവേശിപ്പിച്ച കൊല്ലം ചാരുംമൂട് സ്വദേശിയായ 54 വയസുള്ള നിര്ധന രോഗിയ്ക്കാണ് സൗജന്യമായി അത്യാധുനിക ചികിത്സ ലഭ്യമാക്കിയത്. സങ്കീര്ണമായ സര്ജറി ഒഴിവാക്കി നൂതന ചികിത്സാ മാര്ഗമായ ഓര്ബിറ്റല് അതരക്ടമി ചികിത്സയിലൂടെയാണ് സുഖപ്പെടുത്തിയത്.
ഓര്ബിറ്റല് അതരക്ടമിഎക്യുപ്മെൻ്റ് എന്ന ഉപകരണം ഉപയോഗിച്ച് രക്തക്കുഴലിലെ ഈ കാഠിന്യമേറിയ മുഴ പൊട്ടിച്ചു കളയുന്ന ചികിത്സയാണ് ഓര്ബിറ്റല് അതരക്ടമി. പ്രധാന ഹൃദയ ധമനികളായ എല് എം സി എ, എല് എ ഡി എല് സി എക്സ് എന്നിവയില് അടിഞ്ഞുകൂടിയ കാല്സ്യം പൊടിച്ചു മാറ്റി രക്തക്കുഴലുകളിലെ തടസം നീക്കിയാണ് രോഗിയെ രക്ഷിച്ചത്. വിജയകരമായ ചികിത്സയ്ക്ക് ശേഷം മൂന്ന് ദിവസത്തിനുള്ളില് രോഗിയെ ഡിസ്ചാര്ജ് ചെയ്യാനും സാധിച്ചു. ആരോഗ്യ വകുപ്പ് മന്ത്രി വീണാ ജോര്ജ് മികച്ച ചികിത്സ നല്കിയ മെഡിക്കല് കോളേജ് കാര്ഡിയോളജി വിഭാഗത്തിലെ മുഴുവന് ടീം അംഗങ്ങളേയും അഭിനന്ദിച്ചു.
സ്വകാര്യ കോര്പ്പറേറ്റ് ആശുപത്രികളില് 10 ലക്ഷത്തിലധികം രൂപ ചെലവ് വരുന്ന ഈ ചികിത്സ മന്ത്രി വീണാ ജോര്ജിന്റെ നിര്ദേശപ്രകാരമാണ് സര്ക്കാര് പദ്ധതിയില് ഉള്പ്പെടുത്തി സൗജന്യമായി ചെയ്തുകൊടുത്തത്..