Seán Kyne srón chun tosaigh ar Thomas i nGaillimh Thiar de réir phobalbhreith TG4

07 May 2026, 18:30 by Concubhar Ó Liatháin, https://www.thejournal.ie/author/concubhar-Ó-liatháin/ · TheJournal.ie

(This article is produced by our Gaeltacht team. You can read an English version of this piece here )

TÁ IARRTHÓIR FHINE Gael, an Seanadóir Seán Kyne, srón chun tosaigh ar Noel Thomas ó Éire Neamhspleach/Independent Ireland sa rás chun an fholúntas a d’fhag toghchán Catherine Connolly ina h-Uachtarán a líonadh, tá sé tugtha le fios i bpobal bhreith nua ó TG4 agus an Irish Times a foilsíodh anocht.

Is é Kyne, a bhí ina Theachta Dála agus ina Phríomh Aoire ar an Rialtas, atá chun tosaigh le 17% de na roghanna a rinneadh 530 votóir sa phobal bhreith a rinne IPSOS/B&A idir an Aoine seo cáite agus Máirt na seachtaine seo. Tá Thomas, a chriochnaigh sa séú áit ag an olltoghchán agus gan ach cúig suíochán i nGaillimh Thiar, ar 16% agus iarrthóir an Lucht Oibre ar 12%, Helen Ogbu, is fearr atá ag cruthú i measc iarrthóirí an éite clé.

Tá Mide Nic Fhionnaloich, ar chainteoir dhúchais Gaeilge í ó Leitir Móir, ag seasamh dos na Daonláthaigh Soisíalta agus ise ar 9%, Cillian Keane (Fianna Fáil) ar 8%, Mike Cubbard (Neamhspleach) agus Mark Lohan (Sinn Féin) ar 7% is Niall Murphy ón gComhaontas Glas agus Thomas Welby (Neamhspleach) ar 6%.

Tá Orla Nugent, iarrthóir Aontú, ar 4%, de réir an tsuirbhé agus Sheila Garrity, an t-iarrthóir a roghnaigh lucht tacaíochta Catherine Connolly lena brat neamhspleach a iompar, ar 3%. Is é Denman Rooke atá ag seasamh ar son Pobal Roimh Brabhús is tá seisean ar 2%,

D’iarr an pobal bhreith ar votóirí cé do a thabharfadh siad an dara rogha agus fuair Kyne 15% acu seo, go maith chun tosaigh ar Thomas ach ceatadán amháin chun tosaigh ar Welby a fuair 14% de na vótaí dara rogha.